المشاركة الأصلية كتبت بواسطة قادح شرار (المشاركة 636275) صح لسانك يابن عاصي . عدني في صفك يا عيد , ولا أوصيك علاك بالحر النادر . صح لسانك يا صنهات مقدما ً . تقبلوا مروري .. وبتابعكم ...................

كانك تشوف البرق والرعّاد تسمعله هزيم = ذر البيوت وجوّد احزام الفخر والمرجله
شهرين وانته من حدود المجمعه لين القصيم = مادلّني يمّك يابن قشعان غير البوصله

ههههههه

عز الله اني مالقيت الا السعاده والنعيم = وامشي على كيفي واشوف البرق واشرب منهله
عاداتنا قطع الفيافي في دجا الليل الظليم= ولاكل واحد يابن عاصي درب عمك يدهله

لاتحسبنّي مثل غيري كان الك قلبٍ فهيم = ماعندي الا النار والبارود ماش امجامله
انته وابو عرّام ياصنهات اشوفك سيم سيم = واحد يعقد السلسله ,, واحد يفك السلسله

الله الله

مانته حبيب ياحبيبي ..مانته بصقر سليم= انته من اللي يكدحون اهل اليدين العامله
واهل اليدين العامله ماظن الي منهم خصيم = انا خصيم اهل العقول الصافيه والكامله