سلام الله على ربعي رجال الماقف المشهود=رجالـن يدحمـون القـوم مـا كلـت مناكبهـا
ولا يالزايدي قـرب وحـذرى تقـرب المنقـود=اعرفك من رجال(ن)ماتوخر في مواجبهـا

هلا يا مرحبا بالي من أهل الجود والماجـود=وكل (ن) يعرف أرجال الوفا والطيب مكسبها
أبا قرب وهات العلم دام أن الرجال وجـود=أوفـي للرجـال حقوقهـا قـدام أحاسبهـا

انا بنشدك كم لك من سنه في عهدة المقرود=عسى ربي يخارجكم ويستر مـن عواقبهـا
تمر سنين معهاسنين وانته ماحصلك فـود=عسى ربي يعينك بعـد مابانـت مضاربهـا

أشوفك شايف نفسك وعرفك ياهذا النمرود=ياراع النعجه للي جابها فالسـوق جالبهـا
تمر سنين بعد سنين مايمكن في يوم اتزود=وأنا للي في يميني سلة الشامان قاضبهـا

ولا يلي غديت ورحت جعلك بشقر العبرود=وناسً ماتدل الدرب مـا والله نصاحبهـا
انازايد عليكم من قديم الوقت يالمجحـود=ويمينك ماتوردهـا ليـا شبـت شبايبهـا

تحاول تصبح الصايد لكنك من عصر مصيود=من الحر القطامي صرت صيده فـي مخالبهـا
وش أنته زايدن به وأنت عاجز مقدرت أتسود=ليا شبت تراك أنته محـد غيـرك سبايبهـا