الهيـــــــــــــلا *** منتدى قبيلة عتيبة

اقتباس:

المشاركة الأصلية كتبت بواسطة عمرالعتيبي (المشاركة 634277)

................................

............................

........................

..................

...........

......

...

..

.

عظم الله أجركم يا الربع في وفاة

((((((( الـــشــــعـــــر ))))))

الشعر توفى من أول يوم إفتتحت به قناة شعريه

الشعر توفى من أول يوم إفتتحت به قناة محاورة

الشعر توفى من أول يوم ظهرت فيه مسابقة شعريه

الشعر توفى من أول يوم ظهر فيه مسابقة محاورة

الشعر الشعر الشعر الشعر الشعر الشعر الشعر

<<<<<< أصبح موضة اليوم وليس كحاله سابقا ً

كل من نظم له شطر قال أنا شاعر <<<

رأينا الكثير منهم في المسابقات الشعريه

ورأينا الكثير منهم في القنوات الشعريه

شعراء لا يستحقون كلمة شاعر

ظهرو ونجحو إعلاميا ً ولمعت صورهم وقصائدهم

حتى أصبح لهم جماهير وهم ليسو شعراء

أناس لا تعرف ما هو الشعر ولا الأدب حتى :mad:

وضعو على كراسي لجنة تحكيم

عضو لجنة تحكيم يقول في أحد أبياته

أنا ماني أرنبه <<< هل هذا شعر وهل يستحق ان يكون عضو لجنة

تحكيم ويقيم شعراء أفضل منه شعريا ً وعقليا ً وأخلاقيا ً

الشعر الآن + العنصرية القبلية+ التصويت + البرامج + القنوات = مهزله

ما أجمل الشعر سابقا ً قبل القنوات الشعريه

حين كان جماهيره قله ولكنهم جماهير واعيه

أينهم الآن !!!!!! ؟؟؟؟؟

ما أجمل الشعر حين كان يقرأ في الصحف

ألم يكن أجمل من القنوات الشعريه

التي إمتلأت كمراتها ببودرة يلطخها الشاعر في وجهه

حتى تكثر معجباته :p هل هذا شاعر حقيقي

أنا لست بشاعر ولكني أبكي على الشعر

الذي أصبح في قناة شعريه وصاحبها عنصري وذو عقل ٍ تافه

ويشعل الفتن في شات قناته بين القبائل ويستنزف جيوبهم

أليس حرام ما يفعله

الكلام يطول يطول يطول

ولكن

أترك لكم هذه القصيدة التي تعبر عن وضع الشعر حاليا ً

للشاعر / نايف بن معلا المغيري العتيبي

الشعر تعريفه بدون أية جدال
( كلام له معنى مقفى وموزون )
ولو قالوا أبا أقول عن كل الأقوال
هذا الصحيح وقولوا اللي تقولون
ماهو كلامٍ كيف ما قيل ينقال
وش لون ؟ مدري ! كيف ؟ ياكيف ! وش لون ؟
لا قافيه ، لا وزن ، لا نعت ، لا حال
لا وصف ، لا تشبيه ، لا شكل ، لا لون !
يعني سوالف بس من غير منوال
سولف وأسولف وأكثر الناس يوحون
حتى لو إنك جبتها مالها جال
أهم شي تكون رزّه ومزيون
وفي يدك ساعة تعطي الوان وأشكال
مطليّة بألماس ماهو زركون
وفـأصبعك خاتم فضة وفصه جلال
مغير يلمع كل ما قلت هاللون ؟
وشماغ لولا حبكته قلت طربال
لا والله الطربال مع شكله يهون
وعقال من شافه حلف ماهو عقال
يقول هذا عقال وإلا درقسون
وثوبٍ مفصّل ماهو آيات تفصال
لو تلبسه عذرا غدا القلب مفتون
ماهو بثوب الدفة بمية ريال
خامة قماشه ألف وألفين عربون
وإن كنت فاضي يوم ماعندك أشغال
عليك باستديو زماني أو فنون
وطق لك صورة كايفه مالها أمثال
ويفضل إن إيدك على خدك تكون
وحاول تعرف لك على شخص محتال
إعلاميٍ مشهور ماهوب مدفون
بإمكانه يخليك في أيام وليال
مشهور مثل النابغة وابن خلدون
وحاول قبل كل شي تغريه بالمال
لين إنه بكبره يصير إلك مرهون
وأشيا كثيره غير هذي على البال
ياناس ياعالم هو أنتم تشوفون
موروثنا الشعبي غدا نصه خبال
بيدين متشدق ، وساذج ، ومجنون
من عقب ماكانت توارثه الأجيال
أصبح مجرد شي زايد ومركون
ومن عقب ماكان يتنفس ويختال
صار أوكسجينه ثاني أكسيد كربون
تعرضوه صوير وعوير والفال
للي على نهج الثنينه يسيرون
صوير جنب عوير وعوير دجال
وعوير جنب صوير وصوير ملسون
عوير لامن قال يالال يالال
صوير يصرخ ؟ ياخي ابداع وجنون
يامال فرقا العين يامال يامال
جنون يمكن لكن ابداع تبطون
وإليا سمع بيتٍ من بيوت الأبطال
فلنفرض إنه من بيوت ابن لعبون
عقّد حجاجه وانقلب جده هبال
وراحت علومه كلها دون في دون
وقال الحقيقة كل عصر له رجال
وحنا بعصر التلفزة والتليفون ؟؟
لكن ويش الفرق يالغادي الضال
لكل عصر رجال والشعر مصيون
ماهوب عرضه للمهبل والأنذال
اللي ليا بانت نجومه يغيبون
نجومه اللي يستحقون الإجلال
أمثال : بندر ، والزلامي ، وابن عون
وابن سند ، والأكلبي ، وابن هذال
وبدر الحويفي ، والعسيلي يعدون
هذا مثال ! وباقي أمثال ، وأمثال
أسماً ذهب واصحابها ما يهونون
والشعر مهما صار باقي ولا زال
وشعّارنا في كل وادي يهيمون
ياكثرهم كثراه لا جت للأزال
وإن جات للشعر الحقيقي يقلون
مليون ؟ لكن لو تجيب إلك منخال
وتنخلهم بمنخال ماهم مليون
وأنا ما أبري نفسي بكل الأحوال
أخاف في المنخل مع اللي يطيحون !
لكن والله ماني قصير حبال
ولاني من اللي في القوايل يضيعون
والشعر احبه حب مافيه مدخال
ماني وصي الشعر لكن مغبون
من ناسٍ تحاول تحيّل وتحتال
ناسٍ بحذف السين ، والألْف ، والنون
عمالقة واحدهم إن قال ماطال
فطاحلة وإن ْ جيت للحق ما لون !
تحت مسمى الشعر يبنون الآمال
وآمالهم ياجعلهم ما يفيدون
صورة على غلاف المجلة بمدهال
وإلا حوار مطولٍ في التلفزون
وأعمالهم والله من شين الأعمال
هرجٍ يجيبونه وهرجٍ يودون
فلان قال ، وقال ، وفلان رجال
وفلان ماهو رجل وفلان دندون !
أقول ! ناولني من الكيف فنجال
ما عاد صدري يحتمل كثرة غبون
يقول ابن جدلان من عرض ما قال
تكفون صونوا كلمة الشعر تكفون
وأنا بقول اليوم عن كل الأقوال
هذا الصحيح وقولوا اللي تقولون

لا هنت موضوع متميز وقلم مبدع الله لا يحرمنا منك..