ليل السعد واللي يطيح امجهّزين اله النعش = اللحيه اللي ماتجمّل مالها الا موسها
تستاهل الفنجال والا,,, ذوق من سم الحنش = الديره اللي قد ولاها الصيف جتك اعسوسها

العازمي قدام لايسقط على الارض افترش=كل من اللي درسوه ولانسي في دروسها
ودك بحد السيف وألا ودك بطلقة نمش=ياللي عليك القوم من هرجك تحك ضروسها

اللي يدوّرني بعد جيته لعلّه مابلش = علمي مكفّيني وغيري علمها بفلوسها
هرجي صواب ولا يصيب اذنك عن الهرجه طرش = احاول اصلح وانت ياناصر تغير اتحوسها

الوقت قاسي والتجارب علمها ماهو غشش=ماني من اللي علما في شكلها ولبوسها
إن جبتها منا ومنا مايغطيها قشش=مايبلشك فالحبه اللي صنتها ألا ((سوسها))

سبع الخلا اللي بالنواجذ للفرايس قد نهش = الطرقه اللي ماتجيها ماعلاه ايدوسها
ماهوب منّا يالعصيمي كان في عينك عمش = دارك بلا قيمه ليا من انكسر فانوسها

وانته تعرف الحر يابن روق سموه الوحش=ماتجذبه مفروسةٍ طاحت في يدين فروسها
ياعيد انا لوقلتها لك جد ماتكتب همش=داري لها قيمه وشيمه دامني مريوسها