| معجب العتيبي |
30-Apr-2008 07:20 PM |
عبدالرزاق القشعمي
سلام مني على اللي يستحق السلام = والآدمي مايجازى كود قدر عمله
النور يا اصحابنا العتبان يجلى الظلام = واللي برك للحمل ملزوم هو يحمله
معجب العتيبي
يامرحبا من هجوسي قبل كل الكلام=باللي يسلم وحق الناس مايجهله
مادمت للحق عارف هاتها بالنظام=واحذر توخر عن المقصود قيس انمله
عبدالرزاق القشعمي
دام البقا يالعتيبي واحتزم بالحزام = ودي اناقشك يارجال في مسأله
وشلون بعض العرب يتقلدون الوسام = وان جيت للحق يارجال ماهوب اله
معجب العتيبي
القاضي اللي حكم عداه كل الملام=وينزل الناس كل انسان في منزله
والشعب واحد من الشايب لحد الغلام=وان كان عندك معارض للعتيبي قله
|
