اديارنا بالوفاء والعز محشومه = واللي يغادر ديار اهل الوفاء بومه
من راح ثم عاد طق فوق زلقومه = مايرخص السوق في حضرة هواميره

الطيب اللي يشتري ويسوم = والا الردي ماعنه نشادي
بادي عليه امن الليال ثلوم = والا ما كان ايصيح وينادي

الله يا ربّي يعزك يالسعوديه=دار الوفا والمعزّه والشهاميّه
واللي يخلّي دياره لعنبو حيه=مايرخص السوق ياحضرة هواميره

حنا نبا نصدر لنا مرسوم=ينذاع فالتلفاز والرادي
اللي معه ريحة بصل أو ثوم=يمنع ما يدخل مسجد الهادي

الله يعز السعودية وحاكمها = ديرة هل الدين والمولى مكرمها
عن كل من يعبد الاوثان نحشمها = مايرخص السوق في حضرة هواميره

هذا الكلام اللي يسري النوم = يالله لعل النور ينقادي
الحر مايصلح يخاوي البوم = البوم طبعه يحدر الوادي

اترك هذاه .... إستلم ياراعي الصوره= نبا نعلم بها صاحبك الاسطوره
ولاّ تبا نترك الاحوال مستوره =ما يرخص السوق في حضرة هواميره

أثرك يا بو طايل وراك علوم=وانا احسب انك عاقل و هادي
لكن تبقى مقدّر و محشوم= لو كنت عن درب السنع غادي