بنشدك يالعطاوي ياكريم الوصوف=لحية الرجل وش هي دون اشانيبها..؟!
والله اللي يكافي من رجاه الصدوف=والمقابيل ما احد"ن" عالم غيبها

انت ياصاحبي داري بكل الصنوف=ولحيت(ن)ماتقدر اهه واعيبها
خابرين المرجح ياجماعه نصوف=والسوالف خبير(ن)في هناديبها

فالسوال الموجه يالزميل مخلوف=سلعة بعتها ياكيف تشري بها
المرجح لك الله.. للسوالف عيوف=كفته بالفعايل ما احد يحري بها

خابرين الدعاوى كلها لاتخوف=وعارفين الحلوم اللي تهذريبها
انتبه للمخيل اللي لبرقه رفوف=كل ديره يجيها يجرح اشعيبها

أحد يذبح جمل وأحد"ن" ذبح له خروف=والعوارف تميز في مكاسيبها
دام وانا على راس الطويلة نحوف=مزنة ماتبل الحلق وش لي بها..؟