صاحبي/ربنا ماخاب من هو نصاه=يوم بعض العرب مغرور ياكافيه
صاحبك في يده ياخوك صك البراه=لكن انته تبيت نيةٍ خافيه

عندكم فالثقه ويا الغرور اشتباه=وحده للسما .. والثانيه هافيه
تدعي بالبراءه وأنت راس الجناه=عقرب في ذنبها سم زعافيه

من يرد الكريم اكيد يعرف نداه=ذاك يا كثر غلطاته ومترافيه
ما نبا فيك ذنب ولا نبا لك دعاه=تشملك رحمتي يا بو قدم حافيه

من بنوك الفلس من هو يدور غناه=مثل من يغرف السافي بمغرافيه
ياحليل الذي قام يتغير نباه=مار يبشر بضربة سيف خطافيه

انصحك لكن انته ما تدور نجاه=شان حظك ونارك شوفها طافيه
والله اني لاسوقك سوق يم الصفاه=امش مادام راسك فوق الاكتافيه

نارنا في ثيابك ولعت ياهذاه=ولا يفيدك لو انك تطلب اسعافيه
مار فالمخزن السفلي نشوف الجلاه=أزهمه والاشاره للرجل كافيه