ابو رداد منهو؟ ما عرف الاَّ الشيخ ابن عواد=مشايخ حرب الا ياقُلَّها..ياكثر أساميها!!
أنا اهرج مع كبار القوم ..والشعار ..والنقاد=والاولاد الله يعافيك اقرّص روس اذانيها!!

عبدالله الحربي

سلام الله على كبتن عتيبه والعلوم جداد= على وضح النقا والطيبه من حظ راعيها
اظنك يا لعتيبي جيتنا في ثالث الأعياد = تهوز البحر الأحمر والسفينه تلتحم فيها

كبتن عتيبه

هلا يامرحبابك يالشبابي فوق ملح وزاد=ضيوف عتيبه الهيلا عس ربي يحيّيها!!
لزوم أنانعايديكم لعلّ اعيادكم تنعاد=نجي فأول ليال العيد ولاّ في تواليها!!

عبدالله الحربي

انا خايف تصير الديره الزينه مثل بغداد = ويصبح يا العتيبي حامي الديره حراميها
ترا اهل البل يهدر بعيرهم ويحط فيه قياد=وبعدينه يتوب من السوايا اللي يسويها

كبتن عتيبه

ديرنا ماتغير يالحريبي والسيوف احداد=وديرة حرب ياجعل المزون الغر تسقيها!!
ليا شفت الجمال اللي تهادر ..فأنت يالنشاد=لاتشد عن جمال القوم..تاطاك بمواطيها!!

عبدالله الحربي

اظنك تالي الدنيا سوات الشيخ ابو رداد=عيونك لا تحرك في يدينك ثم تعميها
اثرك تهرج الشيبان وتحذف مع الاولاد=وانا اقول العتيبي تاب وايدينه مكويها

كبتن عتيبه

ابو رداد منهو؟ ما عرف الاَّ الشيخ ابن عواد=مشايخ حرب الا ياقُلَّها..ياكثر أساميها!!
أنا اهرج مع كبار القوم ..والشعار ..والنقاد=والاولاد الله يعافيك اقرّص روس اذانيها!!

عبد الله الحربي + كبتن عتيبة


صح الله السنتكم




ابدعتوا ويعطيكم العافية