للطيبه ياولد عاصم محلن وسوق=وكلن تخير علي كيفه من اصنافها
احدن حصانه ردي واحدن حصانه سبوق=لكن خل الرساله داخل اغلافها

الطيبة دربها ينشف كثير الحلوق = مافادها غير راعيها وعرافها
راع الحصان الردي ماهوب ويااللحوق = لاركبوا الخيل اهلها يقعد خلافها

الطيب راعيه دايم للجزيله شفوق=يومن بعض العرب ماتعرف اوصافها
خلك معي ياعميلي في يمين الطروق=حتي ولو السنين يزود اعجافها

ماني بشراب بن ياالرفيق محروق = حنا رجالآ تضد القوم برهافها
انكان عندك دراهم لاتحسب الفروق = والعملة الطيبه من حظ صرافها

ياسعود صبرك شوى الين حتي تروق=سود الليالي عسي مامسك اخلافها
حنا عرفنا الغروب وعارفين الشروق=والغيمه اللي ترف ابروق من شافها