المشاركة الأصلية كتبت بواسطة رفيع المنزل (المشاركة 597091) معجب والله اني في موقع ثاني وهلحين تشوف تحياتي لك ولجميع الحاضرين والمتابعين

ماني بناشدك عن حلك وترحالك= ادري بك انك عتيبي شايف ٍ حالك
يانور عيني لاتسري ليلك الحالك= امرين ياما غناة الذيب يافقره

والا ياللي تبي تبرك ليا جتك الاحمال= جمال ٍ سايبه مالقت شرب وطعامي
والا يامفسرين القصيد الرجل دجال=ولكن فهمو لي قليليلن الفهامي

الرجل من فكره الصاحي ومن فوقه=مفتاق للمجد يالله قنعه فوقه
قلنا سهيل اليماني..قال :-أنا فوقه=وامرين يامّا غناة الذيب يافقره..
/=/
/=/
أنا للسايبه ياولد ماني بجمَّال=اسوق جمال حرّه ولي قصد ومرامي!!
كتاب الله ..ماهو لعبةً فيدين الأطفال=كتاب الله نزل للحلال وللحرامي!!

يستاهل الطيب من جابه ونشهد له= وان كان يصعب عليه الدرب نمهد له
مار القمر فوق نجم سهيل شاهد له= امرين يما غناة الذيب يافقره

ياكبر السالفه لو نظرت يمين وشمال=ولكن روحت ماعلى الدنيا سلامي
كتاب الله نعزه وناخذ منه الامثال=عسى نوره ينورك عن درب الظلامي

لن كان والياك متكبّر ومتعالي!!=أنا قبل لا أطلب الأمجاد تسعالي!!
وانت بعد معتلي في منزلٍ عالي=وأمرين ياما غناة الذيب يافقره!!
/=/
/=/
تبا تأخذ لك مع السنين أيام وليال=وتدخل فالقبر.. مثل ماقال الزلامي!!
تقوله وأنت مالك مع أهل الكيف فنجال=تبات بتالي القافله جيعان ظامي!!

مااذم شرواك لكن لاتمدحنا= حنا مع اهل الذهب نعرف مرابحنا
وان كان تشهد لنا جينا كما رحنا= وامرين ياما غناة الذهب يافقره

انا بنشدك وش منصبك ياطيب الفال=مادام انك درست السياسه والنظامي
ليا جا طاري الكيف مالك فيه مدخال= وفنجالك محثرب عليه بالحرامي