الامانه ماحموها خبيثين العمال=كيف راحت لعبتن في يدي لعابها
جاك كلمه بينه رحبها ولا تعال=اثر بعض اصحابنا مختلف هندابها

الامانه ماحملها القوي من الجبال=والعرب من شانها عايشه بأعصابها
صاحبي فالشمس وألا قعد تحت الضلال=الاكيد إنه سجد سجدته وابطابها

ناصر الجلاه + نايف الروقي

طاروق رائع وصح الله السنتكم

انت رجال تعرف الجواب من السوال=لاتعاتبلك رجالن طوال اشنابها
يالعتيبي مايشيل الحمول الا الجمال=والهروج العوج بالله وشتبغابها

وجعتٍ ماتنتداوى وسمٍ فالطحال=شوم عنها ياولد روق وش تبغابها
قبل تبرق فالسماء سيلها يدرج وسال=مار يانايف تبى العلم قفل بابها

منت كامل يالعصيمي ولله الكمال=والعرب من كلمتك ماتثور اعصابها
المخايل خيلت فالجنوب وفالشمال=وانت نارك يالعصيمي طفا مشهابها