وحده وليل وبرد وإلحاف من صوف=وسط (الجبيل) بلذة النوم غافي
بذت خفاي أحلام والليل منصوف=وأنزلت عن صدر العباير لحافي
صرت آتلفت والحشا مسه الخوف=صوت أنكسار الموج قدمي-خلافي
ازداد نبض القلب والعقل مخطوف=كني بوسط البحر والجسم طافي
البرق يضوي والرعد صوته دفوف=وسط السحاب السود والبدر خافي
صوت الصواعق يدبك الحزم برجوف=مع ريح تنفث ثلج والجوف دافي
أتبع خيال انسان مهوب معروف=يسبح ويغطس بالبحر بأحترافي !
وصلت قربه غصب ماعنه مصروف=لأن البحر تيار معه أنجرافي
ماشفت مثله ياعرب دين وحلوف=وشين يشاف وشي ماهو يشافي
وجهه شبيه و (باقي النص محذوف)=شين خرافي جد والله خرافي
نادى تعال أبيك بعطيك مظروف=فيه الكلام الزين والستر ظافي !
أقره ودزه يم ناسيك بحروف=واملء الفراغ ان شئت بآخر مجافي !
أخذت منه الظرف مع شكر مردوف=بأحلا سلام وقلت ياهيه وافي
أقفيت وأقفى كنه القوس معكوف=في ليل لون اغراب والنور طافي
مرر الزمن في سرعة الضوء والشوف=وأصبحت أشد الموج وأسحب لحافي !
صحيت فجأه وأفتح الظرف ملهوف=لكن خط النص يالله (ايشافي)
ممسوح كله ! والبحر دوم معروف=ول يابحر غدار طبعك تجافي
لكن بقى جمله على عدة حروف=يمكن تحل المشكله والخلافي
باقي (غلاك أكبر من ارسال وظروف=والبحر طبعه غدر وألا أنت وافي)