المشاركة الأصلية كتبت بواسطة نايف الروقي (المشاركة 580558) انا خابرك حر تعشيك المخاليب=واشوفك في اخر الوقت ترضي بالغليبه تري حنا هل الاوله وهل المكاسيب=تري ماهيب ياصاحبي حاجه غريبه

ترى مابه غليبه على طوال الاشانيب= ولا يلحق هل المعرفه شكّه وريبه!!
ونعم ابكم عدد ماتبين الشمس وتغيب=وكلمة نعم ماهي على الروقي صعيبه!!

ترانا نعرف الصدق ونعرف الاكاذيب=ياراع الجرح جرحك يبي يلقي طبيبه
وانا مااقول فيكم عيوب ولاعذاريب=لاكن الضلع ياصاحبي لاتلتويبه

جروح تطيب.. وجروح ماتلقى تطابيب=وماينفعك شيله..وماينكبك سيبه!!
على جسر الملك فهْد سوق الفطر الشيب=عسى المذهب يسافر ويرجع بالذهيبه!!

تري حنا كشفناك ياراع الهنادبيب=كما الي واقفن صبح في حيد الجذيبه
ليامنا مشينا علي حرش العرافيب=مانحسب للديار البعيده والقريبه