تقوله مير انا ماني لها ياصاحبي مشتاق = انا وش همنٌي يعني كذا بلفين طقاقي
حلال الناس دونه ناس والله يكتب الارزاق = انا من دون حالي في دروب الخير سباقي

أقوله مار لاتخطي على ابن عمّك البرّاق=و ربعك ممتلين من الغضب والرّوقه ضياقي
ليا صار انّ مال المشلح اللي عندكم ... معلاق=أكيد انّ له عند اربوعك الثانين معلاقي

اثرك امن الزعل ماوٌدك ألا تقطع الاعناق = تباها تصحي الفتنه وراس الشر مافاقي
ولا ياكثرها ياصاحبي تنباع فالاسواق = بشوت ٍ من لبسها ماتغطي عاري الساقي

لا تبرك للحمول اللي يابن زرّاق ما تنطاق=تبا تلقى جزى فعلك ليا جفّنّ الارياقي
اظنّك ما فهت السالفه يا ( طاق يا طرباق )=لقى له علم غير العلم مدري عنه وش لاقي