احمد الله واشكره والعلم هدَّام الجهاله = بعد ماصارت دبل يانور جلَّاي الظلامي
الوظايف كايده والحق ميزان العداله = مار خلك ياعلي معيه وفي فيَّة وسامي

اعرف الرجال واعرف مكسبه من راس ماله=راس ماله عشر معزا يحتلب منها اليدامي
زال ابو متعب على كرسيّه امميّل عقاله=ما علينا خوف في ظل الكريم ابن الكرامي

زادت المعزا بوحده ياعلي في ظرف لاله = كل ماطقيتها في قرنها تعط العدامي
مشكله كان القصيبي قد منع نقل الكفاله = كيف تلقالك وظيفه والقطاع الخاص حامي

فوق راسه جابها والعازمي لا طاب فاله=لازم اذكّيه بالشبريّه اللي في حزامي
انت ترعى في زمان فات قدّام العماله=وآخر الايام متغطرس تقول انّك زلامي

مافهمها صاحبي يالله ياكثر البداله = لو نكملبه عددها قال مانقَّص مقامي
وانت تكسي من قديم الوقت ياراع البقاله = حملوك وصاحبك ماطاح من بين الاسامي