من طيب حظك ياسلطان الجذع والوقت محدود = دام الرعد دن يارجّال في عرض المخيله
بعض الحموله تروّح يالجذع من فوق مفرود = اخفاف والا الجمال احمولها تعرف ثقيله

يااصحابنا من جهتكم قبل مده دخن العود =لكن عين الرضا عن كل منقودٍ كليله
كم من جمالٍ تقّود بالرسن ياصحابي قود =ماتحسب من الجمال اللي على الشدات اصيله

ياصاحبي وان بدالك علم قوله ماش منقود = يشذب عراقيب خلق الله وفي بطنه جميله
ماهي حلالي ولا يارثبها من سنَّده عود = لكن ذر البيوت النازله وسط المسيله

كلمه على أربع محاور وانت فالمقصود مقصود =لاتخطي الدرب وانا اعرفك فالمسرى دليله
لا والله عليها وسمكم بينّ ومشهود =واظنها لو تضيع الصبح مافيها عقيله

العام يوم المعارك تشتعل شعله وبارود = اشتالها راعي القاله ياسلطان ابشليله
الوسم بعض الرجال ايميّزه من طارف الذود = منت حضري وسمهم فوق السنام اكبر فشيله

صح لسانك ياسلطان ..
ومتابع للأبداع ..

وصح لسان العازمي ..
وصح لسانه مقدما