ابن الحميدي قال والشعر مخزون=والخايب الـي ماتجيبـه حميـه
تكفون ياعتيبه ولاقلـت تكفـون=ابـي فعـول اجدودنـا الاوليـه
فعل الجدود الي به الغير مغبون=ساعة نزلنا غصب ..نجد العذيه
يوم انها مابين طاعن ومطعـون=ولافيـه لارفقـه ولامرحمـيـه
قبيلةٍ ماتعشق الـذل والهـون=نارٍ على روس الشواهيق حيـه
واليوم مافيها منـازل ولاكـون=روٌح زمـان الفتنـه الجاهليـه
فزعتكم لخالد رسالـة تليفـون=تكفـون يالله زيـدو المعنويـه
يستاهل الي شعره ابداع وفنـون=راع البيوت الشامخـات القويـه
الرقم عشره مابها شك وظنـون=وانا ماوقفنا لـه علينـا خطيـه
تكفون ياعتيبه ذرا كل مشطـون=بكـره نباهـا فوقهـم عالميـه
لاحدٍ يقول افلان بالدعم مضمون=(والـورع منٌامدتـه حاتميـه)
لازادوالكيلـه اعتيبـه يزيـدون=خطوة عتيبه فالمواقـف جريـه

يالله دخيلـك مـن ظـلام القبـر وإن جـاء منـزلـي=مـن ظلمـة اللحـد ومـن اللـي لاتعـدا صــاح لــه
والمشـكـلـه لانـــي نــبــي ولاشـهـيــد ولاولــــي=مـدري علـى ويــش آصــل الجـنـه بلـيـا راحـلـه
مــومــن بــأنــه لاإلــــه الا الـكـريــم المـعـتـلـي=كـافـر بعـبـاد الوجـيـه اهــل الـفـعـول الـواحـلـه
ولامــوت واقــف مـثـل اجـبــال نـجــد وزلـزلــي=يابيـد صـدري لانثـنـى للـوقـت عـبـد وطــاح لــه
ويالله فزعـاتـك انــت ولا عـلــى جـهــدعـمـلـي=يـامـن بـحـر عـفـوه وجـــوده مـايـحـدد سـاحـلـه
من بعدها ياللي تمر الدرب وان جيـت"لعلـي"=اضفـي عليـه اغلـى التحايـا مـن قدمـه لكاحـلـه
قلـه وهـو بقـدر يمـيـز افـخـاذ غـامـد مــن بـلـي=وش شجـرة تنبـت علـى شـط الـفـرات وماحـلـه
مايسـفـح الدمـعـه عـلـى خــده سعـيـد ولاخـلــي=مـيـر الـبـلاد مندمعـتـه بـيـن الضـلـوع الناحـلـه
شفني ليـا شفـت الدمـوع إمـع المقفـي تصطلـي=اضحك عليه من العنـا واحسـده قبـل ارتـاح لـه
والشاعر اللي حال بين اقصى طموحي وامهلي=يامـا لـوى غصـن القصيـد وكـل قمـري نـاح لـه
شـعــر تـبــي تـقــراه مـنـآخــر مــــداي الاولــــي=واللـي يبـي يقـراه قـل سـحـر المعـانـي لاح لــه
يحتاج من جمر الخيال اللي علـى المعنـى ملـي=حـتـى لـيـا مــر الـكـلام الـعـذب نــد وفـــاح لـــه
ميـر الـبـلا يـابـو هــلا آنــا فالـزمـان المخمـلـي=سلـم علـى هـاف الحشـا واللـي بكـاه وبـاح لــه