من هو اللي يذكر اسمي في حضوره ما اتحيا=يازميلي سابحٍ بحر العرب عرضه وطوله
وش يدور من نهاية دام مبداها كذيا=والبنوك العالمية...... اله ما تدفع عمولة

قد سبحت البحر لكن فالجبل ماشعلت ضيا = يمكن إن المرشدي ماوده يشيل الحموله
النهايه مايبا الا فلّته وسط العليا = والفلل ياصاحبي صارت قسم ذولا وذوله

الجبل ماهوب همي والمراجل في يديّا=كل رجلٍ فالمواقف شاهده سابق فعوله
العلوم اللي تبيها ما تجي لك بالمنيّا=والسوالف ماتعشي واحدٍ يتبع ميوله

الجبل لاشفت دابه حط في راسه شظيا = والشجر لاشفت نزلّه صيدها جوله وجوله
حاضر ٍ في ساعة الميقاف والله ماتريا = قايد ٍ للجيش مير الجيش ماينسب لدوله

كم داباً في طريقي قد وطيته ما عليّا=والغشيم اليا تركته عفو يحسبها رجولة
يالربع قبلان هذا في ذرا بندر تفيا=ويتميدح بالمجالس كل ليل وصفقوله

كل من صارت حياته جايره هذا شقيا =والبنادم كل يوم يشوف له علم ٍ يهوله
اتذرا في حزامي وانتخي بأخوان هيا = ماشي ٍ في شرع ربي حافظ ٍ سنة رسوله