اللي يطش السالفه بين العرب مثل البعير=ماهو بسارح فالعلوم ولاهو بضاوي بها
انتم بكم عله صعيبه مايدوايها الخبير= كل ٍ يحسب ان الدعاوي في يده ترتيبها

مدري نعدل فالعور وألا نعالج فالضرير=مير الأكيد نشوم عنها قبل يطلع شيبها
حنا ترانا فوقكم مثل الرحاه المستدير=ياللي تريدون التطور والتطور عيبها

المشكله بعض الجروح النازفه وسط الضمير=ولا الجروح الباديه يسهل علي تطبيبها
ياللي تبيع الصوف مايشريه من يلبس حرير=الناس كل ٍ له مقامه واعرفو توجيبها

الضاهر إنك تحسب إنك يالفرزدق ياجرير=وانت اجوديٍ ماتعدى هضبته وشعيبها
اصرف ذهب لأهل الذهب منته خشيري ياخشير=انتم هل الدبكه على الدبكه وأنا مالي بها

ماجيت ابا اعطي شور للعالم ولاني مستشير=جملتك ياناصر عليك مطابق ٍتركيبها
ندبك على روس الجثث بالوقت الاول والاخير=وانتم ياجيران اللحوج لحوج وش نبغي بها