تغلا يابوبندر وانت غالي ماعليها غبار=لكني ماعلمت ابها ولو فالصحف مكتوبه
نعم ماقلتي فيك قصور لاصارت قديحة نار=تشب النار من ناري وتصبح نار مشبوبه

انا كيف اتغلا وانتم الأصحاب وأهل الدار=صحيبي ماتنوش ياعميلي راس عرقوبه
ولن جيتوا ولن رحتوا تراكم مكرمين احرار=لاكن الرجل منكم لايحط الداب بجيوبه

بغينا نرضي الرجال لكن مايريد اعذار=ولكن سر ليلك صاحبك تتعب على دروبه
نعز الصاحب الطيب نذل الزاير الابوار=تساهلنا مع الرجال هود ينفخ ذروبه

انا اشوف الرمي يرمي ويسبر للعرب سبار=وعسكركم تداقش يا فتى نوبه ورى نوبه
رصيدك مايبا يشبعك لامن غليت الأسعار=ترى الكلمه على الرجال بين الناس محسوبه

بلشنابك يابوبندر رفيقٍ ماتحب الشار=رضى العربان غايه ماتدركها لكن توبه
انا تاجر وألي عمله واصرفها مع التجار=ومثلك من غثى فقره لحاله يحسب ذنوبه