البارحه دارتبي الافكـار وأشعلـت الفتيـل
تحت مزونً برقها يشعـل بوسـط خيالهـا
وأفك سجن المفرده وأطويك يالليل الطويـل
وأعزف على سلك الغرام احلا لحن موالهـا
حتيش لو ترمي همومك والهموم الها مشيل
آنوخ ظلوعي وأشيل من الحمـول اثقالهـا
الله خلقني للصعيبه وأبرك لحملـي واشيـل
اليا رغت تحت الحمول الجايرات أجمالهـا
الراس يقّدح للفخر والقلـب للشـده يميـل
والنفس عن سمؤ الرذايل قاصرين حبالهـا
آرد على هداج واشرب من صفاوة سلسبيل
وأرقى على أجناح الصروح اللي يظل ظلالها
والجادل اللي طيفها يقلط عليّـه كـل ليـل
يقلط على حدب الضلوع ادقاقهـا واجلالهـا
أسرج لها خيل الغلا والشوق غاديله صهيل
صهيل شقراً ماشعفهـا الا سطـرّ خيالهـا
واثر الزمن مرسل رسوله للفراق وللرحيـل
مقسوم والمقسـوم كلفهـا تشـد ارحالهـا
لجله عملت المستحيل اللي يسمى مستحيـل
حتى أنقطع حبل الوصل واعلن بموت آمالها
وأمسيت اطالع فالجدي واقول عانقبي سهيل
آظن نفسي تستريح من الغـرام اشوالهـا
هذي نهاية قصة العاشق مع الليل الطويـل
ليلً رسومه ماتغيّـر لـو تطـوول الليالهـا
شاعرنا ملأت الراس شعر صح لسانك
تقبل مروري
بدر المورقي

صح لسانك وكفو والله..

جمال حتى اخر ابياتك

شكرا على القصيده وننتظر التاليه

مقعد الدغيلبي

صح لسانك حتى ترضا تقبل مروري يالقرم..

صح لسانك قصيده جزله

من شاعر جزل ودمت بخير

وهل يستغرب الابداع


من اهله


صح لسااااانك ملايين يابوفيصل



وبيض الله وجهك على هالرائعه




تقبل تحياتي

مبدع مبدع ياشاعرنا المبدع مقعد ..
وتسلم يالغالي على القصيده الجزله ..
وصح لسانك يالقرم ..