كل عاقل ياعميل الخير يمشي مع مديره=لو يروّح للبعيد ولو يجي يم الموالي
دام شفت الدرب واضح شوف شره شوف خيره=قبل لاتمشيه يانايف وتذبحك الدوالي

يا وسيع المعرفه قدامك ادروبن عسيره=وانت من روس الرجال اللي يعزون الرجالي
ياجماعتنا ترانا بيننا رفقه وجيره=مار بعض الناس اشوفه طامعن في راس مالي

ليت نايف ياعرب يرجع يسولف مع شويره=قبل يبني بيته المذكور فوق البرج عالي
ليت ابن برمان يارجال مايفرح بطيره=جابله وش جابله ماجابله ياهملالي