انته عتيبي فالمواقف لا يسار و لا يمين=العنكبوت الناس تعرفها وتعرف بيتها
ما فيه غير انته من عتيبه بعد عبدالمعين=الله يبقي حيّ عزوتنا ويرحم ميتها

السمـــــــــيري

ياذخر مزحم مايضد القوم غير الطيبيـن=وانته ولا مره يابن فـلاح قـد ضديتهـا
نعطيك فرصه يمكن انك تدحم بجنبٍ متين=لو اني خابر خوصتك فالهوش ماحديتها !

الفالح

إيسدّ فعلك في عدانا كل وقت وكل حين=ما فيه قوم انضدّها كل الخصوم افنيتها
طالبك فرصة خلّني يومين بس و ليلتين=والله لا اسوّيلي سواتٍ ما قبل سوّيتها

السمـــــــــيري

أظن لك جنبٍ متينٍ بس من كيس الطحيـن=أما الفعـول الثانيـه قلـي ليـا عديتهـا
لو فيه شمسٍ كان شفناه أمس ياذرب اليمين=فارس بدون أحصان والعربـان ماسميتهـا

الفالح

انته عتيبي فالمواقف لا يسار و لا يمين=العنكبوت الناس تعرفها وتعـرف بيتهـا
ما فيه غير انته من عتيبه بعد عبدالمعين=الله يبقي حيّ عزوتنـا ويرحـم ميتهـا

أجل تراك انته ولد عمي قريب الاقربين = واللي تدور للمشاكل جعل يخرب بيتها!!
شهادتك ياصاحبي ماتنوخذ بالشاهدين = أتبع وصاتي ياطويل العمر لا ضميتها