يقولون العرب مافيه نارن مالها دخان = لكنك لاتصير الجاهل اللي عايفن روحه
يابن ثعلي ترى صورتك ماهي عيب فالجدران = وبكره صورتك في منتدى العتبان وصروحه

ياسبحان الله الي ليٌم الصمان فالصمان= نعرف الرجل لامنا سمعنا ويش منضوحه
صدقت العيب ماهي صورتي صورتك بالبرهان=انا رجال وقت اللازمه ماتقصر اشبوحه

الفالح

ابن شلاّح في بيت القصيده قال يالمطران=يقول امل الوجار وخلّو البيبان مفتوحـه
نصيناكم وحطّيتو لكم صوره على البيبان=وانا ما اقول فالصوره خلاف اقول مملوحه

ابو هلا

عسى الله يرحمه والعلم يشمل كامل العربان=بيوتن شامله ومشملـه بالعـز مشروحـه
أظن الصوره اللي قلتها من ربعك العتبـان=لكن زلة وسيع العرف يالعريـف مدموحـه

الفالح

يوصّي نمر ويقول افتح البيبان للضيفـان=لكنّه راح وعلومه معه والروحه الروحـه
لا والله صورة الميموني اللي ربعه القعوان=تطوّر كل الأحياء والحواري غير منفوحـه

ابو هلا

علومـه بيّنـه ومبيّنـه لفـلان والا فــلان=تكابر بالعوافي لو اشـوف النفـس مجروحـه
هذي صورة عضياني وانا اعرف ربعه العضيان=تحاول ماتحـاول كـل نجمـن بينـن ضوحـه

الفالح

يقولون العرب خير الدلايل جـرّة الفرسـان=وراع المخطيه يا ناس مدري ويش مصلوحه
تحرّفها وهي ما تنتحرّف واطبـع العنـوان=وتطلع صورتك باسمك يابن ميمون مفضوحه

ابو هلا

يقولون العرب مافيـه نـارن مالهـا دخـان=لكنك لاتصير الجاهل اللـي عايفـن روحـه
يابن ثعلي ترى صورتك ماهي عيب فالجدران=وبكره صورتك في منتدى العتبان وصروحـه

الفالح

ياسبحان الله الـي ليٌـم الصمـان فالصمـان=نعرف الرجل لامنا سمعنا ويـش منضوحـه
صدقت العيب ماهي صورتي صورتك بالبرهان=انا رجال وقت اللازمـه ماتقصـر اشبوحـه