كل مالد عيني في صدوق المخايل = قلت يالله على دار الرفاقه يمر
انت في لجنة المليون ويش انت قايل = لاتسب الرجال اللي تحكم الشعر

كل مالد عيني في فعول المسايل=قلت هاذي دعاوي واحد مستمر
لجنةٍ قصدها التفريق بين القبايل=قلت ابيّن وأحذر قبل يبدا الخطر

طرف البيت عنها لايجيك متهايل = لاتجي في بطن وادي يجيك المطر
عن كلامك يابو سلطان دوّر بدايل = انت زعلان من غسان والا بدر

لاتعوّد لشب النار وسط الفتايل=الجزيره تكفّي عانها في قطر
الحقايق حقايق والدليل الفعايل=شوفها من مكانك مايبيلك سفر

معك يازين يارجال بدع المثايل = لاجل نايف نشب النار فوق الحظر
لجنة الشعر وش فيها تضيع القوايل = مير لا يحترق دمك تراهم بشر

مع هذولي ترا مافاد غير الصمايل=نفضح اللي يسوونه ولو انستر
من فعول الجهل يالعازمي والهمايل=فالنهايه يفوز اهل الغنا والبطر