احب الكلام ان جاك من ذوق=ماهو هرج قال وهرج قالي
نوقف سوات الضلع شاهوق=وعادتنا باول وتالي

يانايف يعقب المغرب أشروق=وياسرع ما مال الضلالي
ومن عادتي ما اذم مخلوق=بني عمنا نعم الرجالي

ياربي تجيب الخير من فوق=ولاغيرك ايجيب السوالي
يابو بندر اليا مال زملوق=من الهم نايف مايبالي

علاكم ياراع النخبه أحقوق=نباها قبل يبدي الهلالي
أشوف المطر وخيل أبروق=متى نسمع أن السيل سالي

تحرالها مافيه مفهوق=وجيه العرب تبقى طوالي
ليا من سلمت الهم والعوق=تعرف البعيد امن الموالي

رصيدك ملى عشرين صندوق=وتغرف من الجم الزلالي
وقلبك على دنياك محروق=ولا يالحميدي وش بقالي

نذر العيون بكحل مسحوق=مدام انها ترقب حلالي
بقا منصبٍ يفداك مرموق=تهنا يبو زيد الهلالي