من ماضي الايام نعرف نايف الشاعر بطل=واليوم يجهل في قوانين العرب ونظامها
من منطلق حنّا عيال العمّ ممنوع الزعل=خلّ البضايع يالعتيبي غاليات أقيامها

من ماضي الايام نايف ماتضيق ابه السبل=الملعبه من قبل ابوفالح يرز اعلامها
كلمتك هاذي ماعليه لا اعتراض ولاجدل=الطيبٌه من حظنا وين انت ياسوامها

الليله المعنى ثقيل اثقل شويّ من الجبل=تكتب هل الاقلام عنه ولا تملّ اقلامها
والله لخليها تصير مع العرب مضرب مثل=لين الخشوم امّ العرام يطير منها عرامها

الليله المعنى يبوفالح ورى كوكب زحل=يمناي دون اعنانها يمناك دون اخطامها
يازين ذيك الورده الي وسط بستان النفل=ريحة شذاها عجعجت والموت في هندامها

بعض العرب يا اخوي مال الطيب في وجهه محل=صحيح بعض الناس تعرف من حسب كلامها
ترى اللذي قلبه هواوي ما يتوب اعن الغزل=تبحث خفاه الحايه اللي ذعذعت بانسامها

يبقى الخبل مهما تسويله يابوفالح خبل=ماكنه الا الجثه الي لملمت بعظامها
الي يذوق من العسل ماعاد يسمع فالنحل=النفس تواقٌه وتتبع شفه واحلامها