الايالسـر ياشينـك خـلاوي=بعد راحت مخلٌفت الهقـاوي
بعدراحت هل الطاله عتيبـه=الاياشيب عيني صرت خاوي
الايالسر وين اقفـا ضعنهـم=سالتك كان تدري بالحـراوي
الاياصعب ساعات المفـارق=واشوفك عقب فرقاهم سناوي
انا ياليتنـي ماجيـت يمـك=تقول انك على موتي هواوي
ولايالسر خدك مـن وطيتـه=من الفرقى تثاقلت الدعـاوي
دموع العين هلت واستهلـت=على الذكرى طواني كل طاوي
تذكـرت المزايـن والتلاحـم=وساعات النخاوي والعزاوي
عتيبه كلها فيـك استقـرت=وجولك من بعيدات النحـاوي
بنوفيك الصـروح وشيٌدوهـا=خلال ايام بالمـد الرهـاوي
مدينه كاملـه كـلٍ شهدهـا=وكـلٍ دون ميقافـه فـداوي
صروحٍ جولها كـل القبايـل=يعج ابها من الاطياب جـاوي
على بن وشحم عز ومعـزه=ماهيب امهايطات ولاحكـاوي
فعاليات ويش اذكـر واخلـي=حدث ماياصفه تسعين راوي
سقا الله هاك الايام الجميلـه=تساوي عمر لاقلنا تسـاوي
ختام القول منـي والنهايـه=الايالسـر ياشينك خلاوي