بيوت العزّ تبنى يابن ثعلي على ساس=وانا فالوقت لا حظت لي حاجه غريبه
دخيلك لا تقيس العلوم بغير مقياس=وتسري لك بليلٍ غدر ما ينسري به

تقول الناس من لا يدوس الراي ينداس=لكن اللي بلا راي محدٍ يعتزيبه
علومي وافيه وانت تدري وانشد الناس=وانا ماني براضي على نفسي غليبه

انا وانته طلعنا مثل مانع و دوّاس=يبا كلٍ يحطّ الدراهم وسط جيبه
وانا خابرك طيّب لكنّ احيان تنحاس=وهذا العلم ثابت بعد مشوار طيبه