محكمه ..... وانت لك في كل جلسه جليس=يابن جودان قلّي وش تبا بالردى
انت وش دخّلك ما بين عنتر و قيس=حيلتك حيلة اللي ما لقى له جدى

لجل رفقة رجال الطيب عنيت عيس=وانت لو تتهمني قلت كذب وبدى
انت ياصاحبي رجال مانت بونيس=فالحجاز وتهدد ياقصير المدى

ما يشحّ الكريم و لا يجود الفليس=ليش يوم انت غازي ما غزيت العدى
لو نسمع علومك كان رحنا حويس=ما عزمنا بعضنا للعشا والغدى

ضرب سيفي بروس عداي يضرس ضريس=وانت سيفك بغمده لين جاه الصدى
اسمع العلم مني لا تسمع بهيس=ياعسى الهيس يالفالح لعينك فدى