يامرحبا واهلا هلا عد همال الغشين=بالشاعر اللي عينه الليله تلد بجارها
سلطان وسط الملعبه دايم عزومه ماتلين=بآيع وشاري مع رجالٍ طايلات اشبارها

ابك البقا والمشكله ياصاحبي بين الثنين =فالخال وبناخيه خلق الله تلد انظارها
انا اعرف انك تدحم الشعار باضلع المتين=وحنا بلشنا في صغار القوم قبل اكبارها

حق القرابه مايضيَعُ لو يطولن السنين=واهل النميمه والفتن جينا نهد جدارها
انا احمد لله قلتها ياراعي العقل الرزين=ميرانتبه للبندق اللي مايهس عيارها

علمني بناخيك عن ماصار ياذرب اليمين =وشلون تجهل عزوةٍ كلٍ يعرف اخبارها
مادمت طيب ليش ماتعرف سلوم الطيبين=اسلوم اهلك الطيبه مالك لزوم بغارها

لاتستمع هرج العرب واحرص من بليس اللعين=انا ادري انك في يمين القوم مانت يسارها
وانا ادري انك ياوسيع المعرفه رجلٍ فطين= ولا العلوم الثانيه دارين عن سمسارها