عز الله اني مانويت امشي على غير العدال=هذي سلوم اهل الوفا واهل المعزة والكرام
لكن يحدوني بعض ربع ٍ يحبون الجدال = وانا على العايل سواة السيف قصاص العظام

اللي سواتك منزله دايم على روس الطوال=ماهمه اللي منزله يحسب تحت كوم الحطام
ياشعيل يابعير البدو ياللي تنوخ للثقال=لا أحدن يحدك للعلوم اللي تلحقك الملام

يامرجح الميزان تسلم وانت وافي باي حال=لكن ترى الجاهل يبي ربعه تعلمه النظام
ترى العرب قالوا سفيه القوم لاحل المجال=ان كان ماكفوه شوه شكلهم بين الانام

ومن قال يسلم وانت رجل جامع كل الخصال=الطيبه حتى غدى للطيب في صدرك وسام
بعطيك كلمه وحده للشك مافيها احتمال=( لا تحسبن ان الليال المقبله برد وسلام )

مامن عليكم زود ياهل الطيب ياكرام السبال=واللي تعب للطيب يشكر والجزيلات اغتنام
والكلمه اللي قلت عندي مثلها والشك زال=عليك مردور النقا لاثار للهيجا عسام