انت تعرفنا نسد الا زمة والحظ عا لي =يوم بعض اصحابنا ما غار يرثع في زهابه
من كلامك ياوسيع المعرفه ماضاق بالي=انت اضنك فيك ياسلطان لفه وانقلابه

آدري انك يابعير القوم زيزوم الثقالي=نعرف فروخ الحرار ونعرف البين وغرابه
خلها من بيننا ترقى على روس الطوالي=والكلام اللي على غير الشكاله صك بابه

اسمع العلم الصحيح وحيلتي من دون حالي= وانت رجال تعرف السيف عزه من نصابه
فيه ناس ماتفرق في البعيدو في الموالي= ملكم غير الوفاء ياربعناوانتم قرابه

والله انا ماوردنا العد بقصار الحباليّ= والضعيفّ لو يجر الصوتّ ماحيٍ درابه
مايمدون الهزيله من يمدون الجزالي=وانت اخبرك ذيبٍ اشهب صيدتّه في راس نابه

اثر ابو عرام وصحيبه يعشقون المعالي=والسوالف ماتشابه والمواقف ماتشابه
ماعلي اخلاف يارجال حافظ راس مالي=وانت تدري من يجنب عن طريقه واعذابه

كان تبغى العونّ منهم ردد أوّه وهملاليّ=مايسركّ واحدٍ حجمه كبر حجم الذبابه
الردي خلّه يولي جعل زوله للزوالي=لو يسل السيف ماهو كفوُ حتى يقتدابه