المشاركة الأصلية كتبت بواسطة البواردي (المشاركة 488412) مشنقه وقاضي وشهود ورشاوي يالله دخيلك حاضر الجلسة ومنتظر رفع الاوراق للجهة المختصة اخوكم / المدعي العام

الخبر من صدمته صايرا بذنك طنين=مار جمّع فالحكي من هذاك وزبرقه
العرب باللي تلفق تراهم خابرين=بس هرجا هاكذا عند غيري سوقه

المشاركة الأصلية كتبت بواسطة البواردي (المشاركة 488412) مشنقه وقاضي وشهود ورشاوي يالله دخيلك حاضر الجلسة ومنتظر رفع الاوراق للجهة المختصة اخوكم / المدعي العام

المصيبه كلها في عقول المشرفين =مار ساعه للتحدي وعمه يلحقه
والله انا بالنصايح سعينا جاهدين =مار بعض الناس .منكوب مالله وفقه

انت شاعر تصخر القاف وتجيب الثمين=مار شف جبهتك من ما يجيك معرقه
لو صدر من شيخنا عن عفو قمتوا مسرعين=يسبقك صاحبك للباب والا تسبقه

وانت شاعر محترم بس في يديني رهين =كل ليله ياكحيلان دمك محرقه
عان شيخك ياابيض الوجه مكتوف اليدين =والجذع كم طوّع اللي عصاه بمطرقه

التمني حيلةٍ للعباد العاجزين=مار ذق ما جاك من حامي الملا ذقه
هاتلووا في معمه وقولوا: تايبين=:يافضيلة شيخنا.. اكسبوا فينا صدقه.

واقع ملموس واله العوارف شاهدين =تدري ان السيل يسحت غصون البروقه
والله اني كنت خابرك رجال فطين =واخر ايامك لسانك علينا مطلقه

الجذع علت نحر لايسار ولا يمين=كم نصحته مار عيّا يغير منطقه
واحدٍ يطمر ويزمر بدرب المسلمين=لا يلوم النفس لاجاه واحد صفقه