مادام هاذي بندقي والكفي كفي والزناد=بالله قولوا للجذع ياربعنا وش دخله
الكذب يعرف صاحبه والنور للعربان باد=وانا اتحدا (ما بنفسك) كان تقدر.. لي قله

انا اكبر معاند مدام أنك تخيرت العناد =وابا اردع اللي يدعي في حاجه ماهيب اله
تراك لو انك ذكي عنها تخيرت الحياد =لكن نوخت لحمل جاير وهالحين اشتله

عرضّت ثوبك ياوسيع العرف لغصون الكداد=ياللعجب كلٍ يجيب مسلسله ما يخجله
تراي لو إني غبي ما أعلنتها بين العباد=ياشيخنا ياشيخنا يلي ثيابك مسبلة

ترى الجمل مايعصي الجمل في دربه يقاد =وانته ولاك اللي يلقنك الكلام وتقبله
اعلنتها بين العباد وجاك شرهه وانتقاد =كل يقول الاجودي :يخطي الطريق ويجهله