يالله يارب انا زابنك من ذا الشباب=يبا يبوق العرب والمال من حرها
لاترمي الناس بالطوبه يجيك الشهاب=تضرب يمين وشمال وتدعي سرها

الله ياوقتنا اللي فيه شفنا العجاب=حتى الضعيف يلد العين ويصرها
بعض العرب حذفته باللي تهش الذباب=لكن قر الحقيقه للعرب قرها

لاياسقيم العقل طمنتها في التراب=ياليتك انته تروح بعيد وتطرها
الطيبه ترفع الرجال والها ثواب=والا الرديه رديه لعنبو برها

ترى العصي يالبناخي طب ..عوج الرقاب=وان قاله الله مع السيدين لا كرها
وختامها.. برفع الليله لفيصل خطاب=وأما تشوف الحلى ولا ترى مرها