عز الله اني نصحته مير مالله هداه =أحيان ينقض لها واحيان يفتل لها
وان ماقلعنا سنون الاجودي من جماه =علوم أكبر منه ...خطر يتوصل لها

لابد من ساعةٍ يطوي عن الماء رشاه=ان بل كبد العطش وان راح مابلها
انا اشهد انه ليا وقّف مايلحق مداه=لكن يجيب الحجج ونقوم ونفلها

تراه بعض الليال يخونه الانتباه =يعني لو تكبر الحمله تحمل لها
نبي نجيله بحيله لين نبحث خفاه =حتى يردد (يامل العين ياملها )

من مره المر يلقى والحلا من حلاه=ليا بغى دقها وليا بغى جلها
اصبر له شوي لابده مايزحف وراه=وليا عفينا عنه يرتاح ويفلها