أول كـلامـي لا الـــه إلا الله =فرد صمـد هـو ربنـا المعبـود
واللي بعدها ياصلاتي على النبـي=شفيعنـا فالمـاقـف المشـهـود
عليه أصلي كـل ماحـل طـاري=عـداد ماتـذري هبـوب الـنـود
حنا عتيبة من علـى أول جدودنـا=الحي واللـي فـي كفـن ولحـود
عسكر هل العوجاء معدلة العـوج=نمشي القوايـل والليالـي السـود
تحت علمهم مرخصيـن أرواحنـا=ونرمي بها فـي شعلـة البـارود
عيالهـم خدامهـم فـي لزومهـم=حتى رضيع(ن) في المهد ممهـود
عيال عـود عقـب النصـر كلـه=عقـب عيـال فاللـزوم فـهـود
الله يثبتهم علـى الطالـع العـلا=رغـم عـن الحقـاد والحسـود
وحنـا بأمـان الله ثـم أمانـهـم=نرقى سنـود وكـل يـوم بـزود
محصنين المملكـة عـن عداهـا=لين أصبحت فوق الحـدود حـدود
في محفل الهيـلا نويـت ابتـدي=وأقـول مايلحقـنـي المنـقـود
ما نفرق الروقي عـن البرقـاوي=الجـد واحـد والجميـع اوسـود
فكاكه البل مـن جميـع عداهـا=يـوم(ن)ذا طـارد وذا مـطـرود
خشم المعـادي دونهـا يفركونـه=كحل الدجاء وسط العيون السـود
ابكارنا ترعى الخطـر ونحماهـا=واللي بغاها مـا أدرك المقصـود
من دونها الهيلا تغنـي وتعتـزي=ومن دونها نجـرح متيـن كبـود
لطامـة العائـل وهـذا لقبـهـم=وعشى الضيوف الحق والمفـرود
ونكرم لحاهـم بالشحـم وزيـادة=بالهيل والبـن الخضـر والعـود
قصرت وأقول اسمحوا واعذرونـي=وارجع لربع(ن)فعلهـم مشهـود
الاد عاضي عزوتي وأفتخـر بهـا=لطامـة العائـل عـن المضهـود
اتزبـن الجانـي وتدفـي جنوبـه=وتشب نـار مـن شـرار زنـود
عمهوج سيف شيوخنا نعتزي بـه=شيـوخ مزحـم والليالـي تعـود
ربع(ن) يفكون العطف من أعداهم=في ساعة يذهـل بهـا المولـود
وكـل القبائـل يشهـدون لفعلنـا=غصـب عـن النمـام والنمـرود
شرابـه الفنجـال نثبـت كلامنـا=الليـل نسهـر والعبـاد رقــود
بالسيف والشلفا اكتسبنـا عدونـا=جينـا براسـه والخبـر موكـود
تنشر لنا البيضاء على كل عالـي=وحبل الشرف لشيوخنـا ممـدود
فوق الدفينة ويش سـوى مسلـط=رد العضيبـاء والعـدو ملـهـود
يلوفهـم مثـل العقـاب الصـارم=مع صمد معتق وانكفـوا عرجـود
وجوه المحيا كـل واحـد يعتـزي=ماهـي بفزعـة بارديـن خـدود
والسيف يضرب في جماجم روسهم=والرمح والشلفـا مـع العبـرود
ومن بعدها نرجع لفعـل شيوخنـا=شيوخ(ن) تحلحل مبهمات عقـود
عيال شالح مع عيـال المحصـن=وابـا العـلا وشـديـد العـبـود
زريب وبن حميد معهـم ربعهـم=رفرف علمهم فـوق رأس العـود
هو قائـد الهيـلا منزحـت العـدا=عساك ترحـم يـا هـذاك العـود
دون العشائـر يلطمـون أعداهـا=يوم النهيلي مثـل صـوت رعـود
واللي مـن اول دون نجـد يغنـي=خلـوه لا نـاشـد ولا منـشـود
نزحتـه الهـيـلا ورا حصـاتـه=وريعـه عليهـم مقفـل مسـدود
وكل القبائـل ماهضمنـا حقهـم=يستاهلـون وحقـهـم مـاجـود
واليوم مابه تفرقـه فـي القبائـل=والفضـل لله ثــم لآل سـعـود
وعسى ملـوك أمنونـا بعدلهـم=ياجعلهـم وسـط النعيـم خلـود
واختم كلامي آخـره مثـل أولـه=لذكـر النبـي الهاشمـي نـعـود

والله ونعم وصح لسانه



ولك التقدير والإحترام