دامك نزلتي تحـت مانـي بنـازل=انا ترانـي رافـع ٍ هامتـي فـوق
يابنت والله مـا احتمـل للمهـازل=وانا عتيبي عزوتي من بنـي روق
بيني وبين الـذل حاجـز وعـازل=بيني وبين الطيب ميثاق وحقـوق
العشق ماهو بـس نظـرة مغـازل=العشق صدق وعهْد واضح وموثوق
وانا عن سلوم العرب مـا اتنـازل=ما العب مع العالم على كل طاروق
وافي ولي بالمجـد عـدة منـازل=ماهزني في بيعة اصحابي الشـوق
حبلي جويدٍ بالوفـاء مـا تجـازل=من خلقتي يابنت ما خنت مخلـوق
روحي بأمـان الله مانـي بنـازل=من قمة العليا وانا منزلـي فـوق