اليا بغينا الحرب لفّينا بجال يم جال=لاكنّ روح اعن الخطر و النار من شبابها
ياما رقيت النايفه وياما مشيت مع السهال=ورصاصنا وسط القمر و النار من شبابها

بعض العرب ماهوب داري باالجواب من السؤال=لو جاله الموت الحمر والنار من شبابها
ترى المواقيف الصعيبه مالها غير الرجال=الي يسدون النحر والنار من شبابها

يا نايف الروقي نطالع جونا فوقه ضلال=كم واحدً منها انتحر و النار من شبابها
ابعقله واقيده واحط في عينه خلال=عليّ يا نايف نذر و النار من شبابها

الجو صافي مار ياراع العمامه والعقال=يبا يعنيك السفر والنار من شبابها
ماحدن بكامل مار يارجال لله الكمال=وثرك ذابحك الظفر والنار من شبابها

يا نايف الروقي زمانً به نزولً و ارتحال=انحت بيوتي من صخر و النار من شبابها
اصوغ قافً من ذهب بجنيه ولا برّيال= ولا نيب ضارً للفقر و النار من شبابها

بنت الهوا حنا عشقناها عسى ايامك طوال=ما ر انتبه وخذ الحذر والنار من شبابها
ترى المعاني في سراها لا تعقدون الحبال=والله يعلم بالقدر والنار من شبابها

بنت الهوى يا صاحبي منّا ترى لقحت عيال=في سرّ ولا في جهر و النار من شبابها
حنى مطوعت الصعب لين الصعب يمشي عدال=كم كسر منّا ما جبر و النار من شبابها