واياهجوسي حضري وفتـح البـاب=وخليك فـي بحـر القوافـي دليلـه
مدام جرح الموت باقـي ولاطـاب=الـي متـى باقـي وحنـى نشيلـه
كلن يعرف الموت في عظم الارقاب=ياشين يوم المـوت مقـوى نزيلـه
مكتوب هذا شي مـن رب الاربـاب=على العباد ولـه طريـق ووسيلـه
الموت والله ماعن المـوت مجنـاب=لو كان قلنـا وش يبـا وش يجيلـه
والادمي في ساحة الكون وش جـاب=لاصار تـارك فرضهـا والنفيلـه
تلعب بنـا الايـام والوقـت لعـاب=والرابـح اللـي ساجـدن بتهليـلـه
قالو لي محمد عـن المملكـه غـاب=محمد ولد محسـن عضيـد القبيلـه
اللي نماري بـه عدانـا والاجنـاب=ريف الضعيف ابو اليمين الطويلـه
من صدمة الموضوع حاير ومنصاب=يالله يامعـبـود هـمـي تزيـلـه
قامـت بـي الدنيـا تقلـب تقـلاب=مالي على ماصـار قـدرن وحيلـه
دمعن يصب وكنـه السيـل سكـاب=الله يعين عيـون مـن طـال ليلـه
يالله يامنـزل تبـارك والاحـزاب=تغفـر ذنوبـه مـن كثيـر وقليلـه
وتسكنه مسكـن محمـد والاحبـاب=وفي جنة الفـردوس تجعـل مقيلـه
لانه لفعـل الخيـر يـارب كسـاب=منهـو سواتـه يرتـكـي للثقيـلـه
راع الجمايل لبعد النـاس واقـراب=فـزاع للـي مـن بغـى يشتكيلـه
كريـم فاتـح بـاب للنـار شبـاب=عرق الشهامه والكرم فيـه اصيلـه
جمايلـه فالنـاس ماشالهـا كتـاب=ولافيـه غيـره يصنـع المستحيلـه
يعـدل المخطيـن ويفـك الانشـاب=واقسى خيـوط المشكلـه ترتخيلـه
يوفي جميع الناس لاجـوه طـلاب=والـروس مهمـا تعتبـر تنحنيلـه
يفعل لمنهو يزبنـه كـل الاسبـاب=ايليـن يعطيـه اللـزوم وحصيلـه
حكمه وعرف ولقبل الحرب حـراب=كـل الصفـات الطيبـه تنتحيـلـه
حرن اله في ساحة الطيب مضـراب=ويديـه ماهيـب اليديـن البخيـلـه
لاجـوه ربعـه مايكشـر بالانيـاب=وسيـع صـدره والمشاعـر نبيلـه
اميـر مافيهـا كـلام وتنـصـاب=بيـن العـرب ماشفـت والله مثيلـه
سيفن مغمد وكل سيفن لـه جـراب=من السيـوف المرهفـات الصقيلـه
الهيضل اللي لابغى صعب ماهـاب=ياصل مواصيل الرجـال الوصيلـه
ابوه محسن وقـت شلفـا ومشعـاب=محدن نطح محسن وجيشـه وخيلـه
وتركي انا منساه لو الشعـر شـاب=نعمـن بتركـي والـذي ينتميـلـه
ونايف اخوهم نعم هاذيك الانسـاب=عيـال عـودن ماضياتـن فعيـلـه
امدح كبار الروس وكـب الاذنـاب=والطيبـه ماجـت بسـوق الهزيلـه
يالله تجمع بـه نبيـك والاصحـاب=وعـن الخطايـا ياقديـر تعفيـلـه

وجت الحريقه عند جمع الهيضل=ثم أحتموها عسكر السلطاني
يقودهم محسن على مذعوره=مجناه من صاهد ليا عيراني
ما خزخزة أم الحصان بمثله = ولاهوب فأولهم ولا فالثاني
وجفين ضف الخيل لين أطاعت =أمتيه العشواء بعد خوناني
وأبا الجلاداء يوم جانا فـــــازع=اشبع طيور الجو والعقباني

موضوع في قمة الروعه من رجل أكثر من رائع


يعطيكم ألف عافيه ودمتم بود