صدري على شوف التحدي فايح"ن" فوح القدور=مدري غلا ولا علوم"ن" فالحشا مضرابها
صبرك دقايق والجمل طبعه على الحمله صبور=ويجيك علم"ن" يطوي السلعه على جلابها

وضح مكانك ياطويل العمر والدنيا تدور=واعرف ترا من دور البلوى يبا يبلابها
الارض يارجال من حولك قنابلها تثور=احرص توصي ريس الدولة تراه ادرابها

واحد وسته ثوروها مشكلة فأحد القصور=على ثنين من الكراسي لين طال حسابها
قلت القضيه مالها ياكود نمر من النمور=حل القضية يالتحدي؛ والعرب ترضى بها

اترك جروح الميت اللي ما تغطيها قبور=والبندق اللي في يدينك لا تفل اقرابها
من حرّف التوراة يارجال حرّف فالزبور=والناس تدري عن جذور المشكلة واربابها

دوك الخبر ياصاحبي كالشوك ما بين الزهور=قال المثل من لا يوديها ترى ما جابها
ما أقول مردودك وفا؛ لكن ما جاك القصور=وحنا نميز صادق العربان من كذابها

احفظ احسابك لانفل الكشف في يوم النشور=ماعاد باقي غير نظهر عكتك وجرابها
دور وتلقى السالفة يارجل من بين السطور=وان طعتني لا تعرض السلعة على جلابها

لا تفتل الشارب ترى للموس حد"ن" وامخبور=وعز اللحى ياصحابنا دايم بعز أشنابها
ياهب يادنيا العجب تظهر لنا أصحاب الدثور=اللي منول تلعب المنكوس تحت ترابها