خوي السعد من قوت الكي بيغوش = تشافيت والا نوصلك لنعاشي
عيوبك بعينك شفتها وانت دندوش = حليله لو يمثل بما طاش طاشي

غشامتك تاتنكبك والسر مخشوش = جليدك سخّيف مثل جلد الفراشي
خساره جهدكم ياصبي راح بلوش = ولوّك ولد رجال مانته بلاشي

حرام انك المنكوب يابوش يابوش = تعرضت لدوله ووصلتك كاشي
سواتك ياليته في فمه لزق طرطوش = لو انك فحل لاكن عظمك نهاشي

انا قمت اركد فيك واشوفك اتطوش = ويالله دخيلك من كثير الطياشي
كلامي كلامن واقعي وانت مخروش = ولكن ماشي يابيض الوجه ماشي

توعد وانا خابرك خاطرك مريوش = عسى تنتسيها كان روحت ماشي
صحيح انت حر(ن) طيب الريش منفوش = تشوف العقاب تروح كلك مراشي

ليا كنت وحش احذر ترى حولك وحوش = ولا تنتخي وانته عظامك هشاشي
تراك انت واشباهك ليا حشتكم حوش = لك الله ماعاد اتغادرون الحواشي