ماني بلا حاسد ولا واشي ولا رجلٍ بلوس=ولكم ترا مرضا القهر والنار من شبابها
فالصاله الكبرى ترا ماعندكم نمرة جلوس=ياللي تدور للقشر والنار من شبابها

اجل علامك من علوم اصحابك تحوس وتدوس =ماتخفي بصدرك ظهر والنار من شبابها
ودك تزوج مار ماتقدر على مهر العروس =ريح على الزل الحمر والنار من شبابها

المشكله صارت عليكم والزمن وجهه عبوس=والظاهر انك في خطر والنار من شبابها
انا تزوجت وخلصت وغيري اوادم تحوس=تبغا الزواج بلا مهر والنار من شبابها

وراك لديت النظر ياطاير الطلح اليبوس =في طاير الطلح الخضر والنار من شبابها
انته ملوث خد (بوسي)يالصحيب اللي تبوس=عنها ابتعد مد النظر والنار من شبابها

ياصاحبي لا تلبس الا من جديدات اللبوس= غير ملا بسك الغبر والنار من شبابها
يضيق سلطان الجذع لا ناش راسه حد موس= ويطق راسه فالحجر والنار من شبابها