اعرفك رجل(ن) ماتبا غير السعاده والسماح = واللي قبيلك مايبا غير المغامر فالبحر
خل اللذي قد راح واللي راح تقفاه الرماح = ناس(ن) تدور للقشر والله بلاها بالقشر

مافيه جيش بلا رجال ولارجال بلا سلاح= هذا الكلام اللي يعرفونه رياجيل الظفر
خلك معي لاتبتعد واصبر على بعض المزاح = واليا عطيتك هرجتي ركز وطالع بالنظر

الجيش ماذمهمه ولاكن فيه طرف(ن) به جراح = وانا طبيب(ن) للجراح الكايده بالمختصر
وانا معك وليا وردنا مانبا غار القراح = ماكل من يملك ريال الناس قالو له تجر

انا ذراك ان هبهبت فوقك هباهيب الرياح = وانته تعرف الشي هذا يالصديق المعتبر
زعلتني في حاجة ٍ ما تستزيد الارتياح = يومك تودد للبعيد اللي موريك القهر

من دون شك البت واحد من( جناح اليا جناح) = هذا كلام ابن الزلامي بعد مرسوم الخبر
الشاهد الله معك والخفاق معكم مستراح = والثانيه ردي بها بين المحاني منحصر

البيت كانه ما انضبط ساسه لاجته الريح طاح = ياللي تحاول تحت بيت العز تحفر لك حفر
الهرج في وقت السعه ماهوب عنوان النجاح =وانته تذكر فالليال الماضيات اللي غبر