ان طعتني ياصاحبي اخذ الطريق المستقيم = خل العلوم الماضيه يسفي عليها السافيه
علمك يابن عساف خله سجله ظمن اليتيم = احذر تخل العلم لاينشر على الاطرافيه

انت تعرف ام الولد وانت تعرف اللي عقيم =وحنا سوى ياصاحبي فالدار والميقافيه
ضاعت علومك يوم هبت لك ذعاذيع النسيم=احذر تسوق الزمل يمي والحمول خفافيه

انا نصحتك مير شب النار في وسط الهشيم = واليا دفعت الزمل يمك جاتك العرافيه
بكتب ثلاث حروف ياسلطان وازود بميم = ايات منا ياولد عساف يركض حافيه

هو ليه اشب النار وانته صاحبي مانت بخصيم ؟=انا انتاقش في موضوع زل وطافيه
اشره عليه كان علمي مايوقع فالصميم=ابني على سيسان وادري بالعلوم الخافيه

مافات خله وانتبه من خوف يضحك بك غشيم = حنا نعرف السيف ياسلطان والسيافيه
اليا بنيت البيت ياسلطان ماجاء البيت ظيم = ميز وفكر في بيوتك مانبى الاسلافيه