دامك تشوف المزنه اللي خيلت برق ورعد=والسيل فالوديان غطى بطنها وجروفها
وش حيلت اللي لا ذراع ولا لسان ولا جهد=يشوفها لكن ماياصل ولو يشوفها

ماكنه الا .. الطير بن برمان مايصلح هدد = والحر من لايعرفه يشويه قبل يعوفها
بعض الظبي تجتاح فالغابه ولا جها الاسد = وانا من الي صار بالي ضاق من موصوفها

اشعب ذلولك يالمقاطي فالطريق الممسد=واحذر يعُود شدادها ياصاحبي لردوفها
واشتر وسوم الطيبه والناس عاشت في كبد=والله يكافيك الليالي لاحكمتك ظروفها

انا ذلولي مقدمه والرقم الاول بالعدد = وان كان ردت لابو الطرقه ولابو خوفها
اللي يبا درب النشاما في طريقه يجتهد = والله يقدينا الصواب اللي عليه حلوفها