ان كان قلبك من ورق صاحبك قلبه من حجر = وش لون يزعل من كلام ٍ ما احترك منه اشعره !!
الحق يقبل والدجل ماهد بيت ولا جدر = يا صاحبي ماقول غير الحمدلله واشكره

ياراعي القلب الحجر تراك من ضمن البشر = وقلبك يا مرزوق العتيبي في دقيقه نقهره
تارك حلالك شهر وزياده على شان السفر = عاجبك وضع المنتدى طافي ولاحدً يصبره

يالله تكافينا القهر صحيح هالدنيا عبر = يامحمد الروقي كلامك ماعرفنا مصدره
اروح وامر الله سعه في بر ولا في بحر = والمنتدى غيري رجال ٍ للمعالي تشهره

الله يبارك فيك ويجنبك عن درب الخطر = لكن هد اعصاب مخك قبل تصبح مجزره
والله ونعمً بالرجال وكوبه بكل البقر = هرج السعه ماطيب منه واليا غدا يامقشره

ان كان صارت مجزره من هالدمي يمشي نهر= الله يبارك فالصقور ولا يرد الحمّره
حافظ علومك كلها ياصاحبي سطر سطر = يومك تبا صيد الحمام اللي على غصن شجره

والله مابالك لا كثير ولا قليل ولا تمر = اللي نباه الخير لعتيبه عسى الله يمطره
بعض الاوادم لاكبر .. عقله يابو محمد صغر = واللي تظنك تقدره من يمنا لاتذخره