هجوسي موردها على حزة الميراد=اوقع لراعي الطيب في السجل واكتب له
ولا صار ترثة عون جاب العلوم وكاد=كثير العرب من بادي الشوق منهبله
عماد الشعر ثبت ركون على الاوتاد=ولاهوب في عازه عوين ٍ يقطب له
ليا كبر محمول البليهي وثقل وكاد=ينوخ لها ويشيح حمله ويطرب له
هل الوضح صبحها وثنا لها المهجاد=صبيٍ علوم الطيب دايم تناسبله
ليا نام ولد اللاش ليله وشبع رقاد=سرى الظامي المشتاق ليله يسوق ابله
وانا ما علي من شلت الكفر والالحاد=هذا يضحك الملعون واخر يكذب له
بعد ما ذبح صدام مع بندر العواد=اشوف الجمل زومان كلن يعرقب له
ولاهمني سالم وعنتر ولد شداد=ليا صار مقصور المعاريف تنسب له
تكاشف سنا برقٍ من الشرق قدم وعاد=رعود اليمن والشام قامت تجاوب له
عسى المزن ما وسط برد يا هل الميعاد=ليا صار مزن الشعر بالشعر تحلب له
يسوق الشعر سوق المطايا جموع افراد=يسبل على المحراف والسبله السبله
واذا كان في هاك الجمل مثل الحكك وقراد=نحرت البعير وسقت عنتر معا عبله
ورادار شعري عقب ما ثبت الكداد=ضعاف العرب قامت بصوبه تزهب له
اقول الحقيقه وافيه والفكر منقاد=ونفسي لقول الحق بالحق منجبله
بعد زان شرب الكيف دله معا براد=علوم الوفاء لاهل المواجيب منقبله